筆者同大家一樣, 經常會遇到 唔同嘅困難, 有次有位我好敬佩嘅前輩 (佢係廚師)喺我仲係學生, 第一次清袋時 ($20萬)同我講咗以下嘅故事:

當人遇到困難時, 呢个世界只有3种人, 一种係蘿蔔, 一落滾水就变軟, 再滾耐Ｄ爛埋tim; 另一种好Ｄ, 係雞蛋, 原本好脆弱嘅外表同內心, 滾兩滾內心变得又有彈性又堅強; 最後一种呢? 係普洱茶葉!!! 佢唔怕滾水, 越滾越好, 甚至改变滾水嘅味道, 將問題变成優勢!! 味道芳香!!

呢段說話對當時嘅我有莫大震撼力, 我一直放喺我內心深處..........

筆者一直大步大步咁征服一个又一个嘅困難, 都係靠呢Ｄ故事支持我, 我一直相信一个人最後成功定失敗, 同運氣毫無關係, 分水嶺係你用乜心態去處理問題 !! 你放棄?你勇敢面對? 定想辦法英雄造時勢? 既然無辦法就得去想辦法, 無几會就得去為自己制造几會吧!! 不要輕易咁講無可能, 不要相信自己只會平凡!!

共勉之!!